يا صانع المكياج الله يجازيك

قرائتها وحبيت اضعها وهنا بالتحديد لانه فعلا تستحق ان اضعها هنا لما فيها من وصف وصوره وابداع ورغم طرافتها لكن حقيقه من الواقع هذه الايام ادعكم مع هذه الكلمات
ياصانع المكياج الله يجازيك

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ... وروجي ودلّي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا في محلـي

الخد كنه ياحياتي سيراميـك
والوجه والله مثـل شـارع حولّـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا... لا اتسـرع ثـم تنغـش مثـلـي

اللـي بـلا مكيـاج ... خله حواليـك
واللـي يحـط مكيـاج ... خله يولـي

حلوة كتير
يسلمووو يا قمر